Home

ፕሮግራም ስነ ከባቢያዊ መሰረት ዝገበረ ስራሕ ፈጠራ

(Environmental

Entrepreneurship   Program(EEP))

______________________________________________

መሰረታዊ ዕላማ

  • እዚ ፕሮግራም ብምትሕብባር USAID ኢትዮያን  ማመትን ዝፍፀም  ዘሎ ልምዓታዊ  ስራሕ እዩ ::
  • እዚፕሮግራም አብ ክልል ትግራይ ኣርባዕተ ወረዳታት ዝሓቆፈ ኮይኑ ማእሉ ድማ ኣብ ዝሓወዩ ጎቦታትን ጉህሚታትን መሰረት ዝገበረ ስራሕ ፈጠራ እዩ ::
  • እተን ዝተሓቆፋ ወረዳታት ድማ ቆላ ተምቤን፤ ደጉዓ ተምቤን፤ እንደርታን ራያ ዓዘቦን እየን ::
  • ካብ 2006 ዓ/ም  ጀሚሩ   ን ልዕሊ 19234 ተጠቀምቲ ገይሩ ኣሎ ::
  • ዛጊድ 10270 መናእሰይ ብዝተፋላለዩ ናይ ስራሕ ዕድልን ሃፍቲ መፍጠርቲ ስራሕቲ ማለት ምህጣር ጤለ በጊዕ፤ መፍራይ መዓር፤ ቆዋሚ ተኽሊን ኣሕምልትን ከምኡ እውን ቅመማ ቅመም ፤ደኒን ናይ ደኒ ውፂኢት ማእኸል ገይሩ ዝነጥፍ  ዘሎ ትካል እዩ ::

ካብቶም ዝተወሰኑ ዝተሰርሑ ስርሒታት ከም

ዝስዕብ ይከውን

 

ፍራፍረን ኣሕምልትን ውፂኢት ኣብ ወረዳ ራያ ኣዘቦ ጣብያ ፂጋ (ታህሳስ 2015)

_________________________________________________________________

 

ምህጣር ጠለ በጊዕ ኣብ ራያ ዓዘቦ ጣብያ ኤቦ ስም ማሕበር ለምለም ቢቸ

________________________________________________________________________________________________

Right (a) Garlic production (spice) at Degua Tembien (December 2015). Left ( b) garlic cultivation (August 2016)

_________________________________________________________________________

 

 

 

 

 

 

 

USAID / Ethiopia, EG and T deputy chief, FTF team leader and Project AOR and Agriculture policy advisor of USAID at filed observation at Degua Tembien August , 2016

___________________________________________________________________-

ፍርያት መዓር ምህርቲ ዘመን 2008/2009 ኣብ እንደርታ ፈለግ ማያት

_________________________________________________

ኣዲኡ ተጠቃሚት ብምካና ሕፃን ገንዘብ ብምሓዝ ዘርእዮ ተሕጋስ ኣብ እንደርታ ወረዳ ፈለግማይ ጣብያ ሕዳር 2008 ዓ/

__________________________________________________________________________________________

 

መልእኽቲ ሰናይ ትምኒት ማሕበር መናእሰይ ትግራይ

 

ማሕበር መናእሰይ ትግራይ ብቐዳምነት እንኳዕ ንሓዱሽ ዓመት 2009 ዓ/ም

ብሰላም ኣብፀሐኩም ኣብፀሐና ብምባል ሰናይ ትምኒትና እንትንገልፅ ዝለዓለ

ታሓጓስን ደስታን ይስምዐና።

ማሕበር መናእሰይ ትግራይ ብንቑሕ ተሳትፎ መናእሰይ ትግራይ ጳጉሜን 2/1983

ዓ/ም እዩ ተጣይሹ። ሕገ መንግስታዊ መሰል ብዝሃቦ ዕድል መናእስይ

ብዕድሚኦም ተወዲቦም ተሳትፍኦም ንምዕባይ ብዝተወደበ ነፃ ማሕበር እዩ።

ማመት እንትጣየሽ ኣብ ክልልና መፍረይ ጥዕንኡ ዝተሓለወ ፤ዓርሰ እምነት

ዘለዎን ኩለመዳይ ክእለት ዝተዓጠቐ መንእሰይ ተፈጢሩ ንምርኣይ እዩ። ማመት

ኣብ ጠቕላላ ናይቲ መንእሰይ ንቕሓትን ተሳትፎን ዘዕብዩ ብዋናነት ኣብ ምንጋስ

ሰናይ ምምሕዳር ምኽባር ሰብኣዊ መሰልን ፣ዘለው ዕድላት ፀንቂቕካ ብምጥቃም

ስእነት ስራሕ ምንካይ ምክልኻል ምግፋሕ ኤች ኣይ ቪ ኤድስን ተዛመድቲ

ናይ ስነ-ተዋልዶ ፀገማት ምንካይ፣ መናእሰይ ትም/ቲ ዕድል ክረኽቡ

ምስራሕ፣ ኣተሓሳስባን ክእለት መናእሰይ ምዕባይን ኣብ ምሕዋይ ተፈጥራዊ

ሃፍቲ መንእሰይ ክሳተፍ ምድጋፍ ዝኣመሰሉ መሰረታዊ ዕላማታት

ተልእኮታትን ትኹረት ሂቡ እናሰርሐ ይርከብ።

 

ብዝሓዞ ራእይን ዕላማን ኣብ መንእሰይ ዝስርሑ ስራሕትን ቡዙሓት ኣባላት

እንዳፍረያ ንዋታዊን ገንዘባዊን ዓቕምታቱ በቢግዚኡ እናጉልበተ ይርከብ።

በቢዓመቱ ዝውሰኽ ዘሎ ኣባላት ተጠቀምቲ ንምግባር ድማ በቢግዚኡ ካብ ናይ

መንእሰይ ፖሊሲ ድልየት ናይ መንእሰይን ህልዊ ኩነታት ኣባላት ብምፅናዕ

በቢግዚኡ ስትራቴጂክ ትልሚን ካብዚ ዝምንጭው ዓመታዊ ትልምታት

ኣውፂኡ ንኣባላቱ ማሕብራዊ ኢኮኖሚያዊ ተጠቃምነት ንማሕበራዊ

ተሳትፎ እንዳረጋገፀ መፂኡ እዩ።

 

ማሕበር መናእሰይ ትግራይ ካብ ዝጣየሽ ጀሚሩ ኣብ ፅላሉ ልዕሊ 380 ሽሕ

ኣባላት ብምፍራይ በቲ ሕገ-ደንቢ ማመት መሰረት ድማ ኣብ 2008 ዓ/ም 8ይ

ስሩዕ ጉባኤ ብምክያድ ድምቀትን ንመላእ ኣባላትን ኣመራርሓን ማሕበር

መናእሰይ ትግራይ ከምኡ’ዉን መላእ መንእሰይ ብዘለዓዕል ኣገባብ ተፈፂሙ

እዩ። ስርዓት ውክልና እውን ፍትሓዊን ኣሳታፊን ንክኸውን በቲ ናይ ማሕበር

ኣሰራርሓ ዝፈቕዶ ዲሞክራሲያዊ ብዝኾነ ኣገባብ ኣብ ዝነፀሮም ኣጀንዳታት

ዘትዩ ዓበይቲ ውሳነታት ኣሕልፉ ኣመራርሓኡ መሪፁ ተዛዚሙ እዩ።

ከም ማሕበር መንእሰይ ትግራይ መደባት ምንጋስ ሰናይ ምምሕዳርን ቃልሲ

ፀረ-ኪራይ ኣካብነት ብዝተወደበ መልክዕ እንዳተቓለሰን መሪሕነቱ እንዳረጋገፀ

መፂኡ እዩ።

 

ብመዳይ ኢኮኖሚያዊ ተጠቃምነት እውን ኣብ ገጠር ከተማ ኣብ ናይ

መንግስቲ ኣንፈታት መሰረት ብምግባር ተጠቃምነት ኣባላቱ እንዳረጋገፀ መፂኡ

እዩ። ካብቶም ዝተሰርሑ ናይ 2008ዓ/ም ኣፈፃፅማ እንትረኣይ ኣብ ገፀር

ን132,495 ተጠቀምቲ ክኾኑ ኪኢሎም እዮም። ብተመሳሳሊ ድማ ን87,146

መናእሰይ ኣብ ከተማ ተጠቀምቲ ኮይኖም እዩም።

ኣብ ዙርያ ማሕበራዊ ምንቅስቃስ ኣባላት ማሕበር መናእሰይ መሪሕ ኮይኖም

ኣብ ናይ ጥዕና ስራሕቲ ብንቕሓት ንክሳተፉ በዚ ኣቢሉ ድማ ጥዑይ

መንእሰይ ንምቕራፅ ብዝብል ዝተፈላለዩ ናይ ግንዛበ መዕበይ መድረኻትን ነዚ

ዘጠናኽሩ ተግባራትን ተፈፂሞም እዮም። መግለፂታቶም ሞት ኣዴታትን

ህፃናትን ንምቕናስ ድማ 23,645 ባህላዊ ኣምቡላንስ ብምስራሕን 3,637

መናእሰይ ድማ ደም ብምልጋስ ኣስተዋፅኦ ገይሮም እዮም።

 

ብድጋመ ማሕበር መናእሰይ ትግራይ እንኳዕ ንሓድሽ ዓመት 2009

ዓ/ም ብሰላምኣብፃሓኩምኣብፃሓና እንዳበለ ሓድሸ ዓመት ናይ ሰላም

፤ጥዕና፤ዕብየትን ንክኮነልና ብምምናይ ኣብ 2009ዓ/ም ዝሓዝኖም ዓበይቲ

ሰፋሕትን መደባት ብፍላይ መንእሰይና ብኣተሓሳስባ ንምቅራፅን ምህናፅን

ብሉፃት ተግባራት ብምግፋሕ ዝተጠናከረ ስራሕ ብምስራሕ ኣባላቱን

ኣመራርሓኡን ኢሉ ድማ መላእ መንእሰይ ተጠቃሚ ብምግባር ኣብ ልምዓት

ሰናይ ምምሕዳርን ንቁሕ ዝተወደበ ተሳትፎ ክህሉ ግደ ኩሎም ኣካላት ኣብዚ

ውዳበ እዚ ክዓስሉ ብምዕዳም እዩ።

_________________________________________________________


ኣብ 2008 ዓ/ም ክረምታዊ ወፍሪ ሰናይ ተበግሶ ተምሃሮ ዩኒቨርሲቲን ከባቢ መንእሰይ

ወፍሪ ሰናይ ተበግሶ ተምሃሮ ዩኒቨርስቲ ከባቢ መናእሰይን ካብ ዝጀመሮ ብዙሕ ዓመታት ዘቐፀረ እንትኸውን ንትምህርቲ ካብ

ከባቢኦም ወፂኦም ዝሓገዩ መናእሰይ ምስ ኣብቲ ከባቢ ዝነበሩ መንእሰይ ብምትሕብባር ኣብ ዝተፈላለዩ ናይ ማሕበረሰብ ስራሕቲ

ብምስታፍ ነቲ ከይተምሃረ ዘምሃሮም ሕ/ሰብ ጉልበቶም ብዝተፈቐዶ ኹሉ እናደገፉ መፂኦም እዮም። እዚ ወፍሪ ብፍላይ እቲ ኹሉ ግዜ

ካብ ሕልናና ዘይጠፍእ ሳሙና መሪሕና ካብዚ ዓለም ብሞት ምፍላይ እቲ መንእሰይ ብዝለዓለ ወነን ሕራነን ተላዒሉ ካብኡ ዝፅበ ኹሉ

ከበርክቶ ገይርዎ እዩ።

ኣብ 2008 ዓ/ም ኣብ በቢዞብኡ ዝተኻየደ ወፍሪ ሰናይ ተበግሶ እቲ መንእሰይ ተወዲቡ ብምንቅስቃስ ኣብ ዝተፈላለዩ ናይ ልምዓት

ስራሕቲ ዝተሳተፈ ኾይኑ እቲ ካብ መኣዲ ትምህርቲ ዝተመለሰ መንእሰይ ብምንቕናቕ ኣብ ዝተፈላለዩ ናይ ማሕበረሰባዊ ስራሕቲ እናነጠፈ ከሪሙ እዩ።

በቲ ወፍሪ ዝተሰርሑ ዝርዝር ስራሕቲ

I. ኣብ ሕርሻ

·ኣብ ናይ ፈልሲ ተኸላ ስራሕቲ እቶም ናይ ከባቢ መንእሰይ ንፈልሲ መትከሊ ዝኾኑ ጎዳጉዲ ከዒቶም ኣዳልዮም ዝፀንሑ እንትኾኑ እቶም ተምሃሮ ዩኒቨርስቲ ምስመፁ’ዉን ተወሰኽቲ ጎዳጉዲ ብምኹዓት ፈልሲ ክትኽሉሎም ክኢሎም እዮም። እቶም ዝተተኸሉ ፈልስታት ማይ ከምዝሓዘ ገይርካ ብምኹስዃስ ክንክን ክግበረሎም ክኢሎም እዮም።

 

ኣብ ናይ ምህርቲ ምድንፋዕ ስራሕቲ’ዉን እንተኾነ እቶም ተምሃሮ ዩኒቨርስቲ ምስቶም ከባቢ መንእሰይ ናይ ገባራት ሕርሻ መሬት ናይ ውሑጅ ምእላይን ማይ ምፅንፋፍን ስራሕቲ ሰሪሖምሎም እዮም። ካብዚ ብተወሳኺ ኣብ ጐኒ እቲ ገባር ብምዃን ብሓይሊ ፃህያይ ዝተወሓጡ ግራውቲ ፃህያይ ስራሕቲ ሰሪሖም እዮም።

ካብዚ ብተወሳኺ ኣብ መፍረይነት ምድንፋዕ ዝሕግዙ ናይ ጠሊ ምዕቃብ ስራሕቲ ተኽሊ ምትካልን ምክንኻንን ስራሕቲ፣ ፃህያይ ምፅሃይን መስመር ምዝራእን ረብሕኡን መዳበርያን ምሩፅ ዘርእን ምጥቃምን ኣጠቓቕማ ፀረ ፃህያይን ኣመልኪቱ በቢከባቢኦም ናይ ግንዛበ መዕበይ ኣስተምህሮታት እናሃቡ ከሪሞም እዮም። ኣብዚ ዝተሳተፉ በዝሒ መንእሰይ በቢ ዘብኡ ክንረኦ ከለና ምዕራብ ፣ ሰ/ምዕራብ 71,817 ፣ ማእኸል 130,116፣ ምብራቕ 80,539 ፣ ደቡብ 58,961፣ ደ/ምብራቕ 21,045 ፣መቐለ----- በዝሒ ዝተተኸለ ፈልሲ ድማ ዞባ ምዕራብ  41,640፣ ሰ/ምዕራብ 1,279,025 ፣ ማእኸል 1,988,894፣ ምብራቕ 5,243,351 ፣ ደቡብ 1,171,296 ደ/ምብራቕ 2,159,519 ፣መቐለ----- ዝተሰርሐ ስራሕ ብገንዘብ እንትትመን 11,883,725

 

II. ኣብ መደባት ጥዕና

ኣብ ፅሬት ከባብን ጀቕጀቕን ምድፋን ኣብ ኩሎም ዞባታት ፅሬት ዝተኻየደሉን ጀቕጀቕ ዝተሰርሑ ስራሕቲ በቢ ዞብኡ ክንርኢ እንተለና ዞባ ምዕራብ -----ሰ/ምዕራብ 14,174.35 ፣ ማእኸል 15,487፣ ምብራቕ 10,886፣ ደቡብ 4,792 ፣ ደ/ምብራቕ 7,204፣ ፣መቐለ 3,813

ኣስተምህሮ ምፍጣር

ኣብዚ ሐዚ እዋን ንክልልና ሓደጋ ኮይኑ ዘሎ ሕማም ኤች ኣይ ቪ ኤድስ ኣብ ምክልኻል ዘተኮረ ናይ ግንዛበ መዕበይ ስራሕቲ ነቲ መንእሰይን ከባቢ ሕ/ሰብን እናሃቡ ከሪሞም እዮም። ኣብዚ ብተወሳኺ ኣብ ምጣነ ስድራ ምክልኻል ሕማም ዓሶን ተላበድቲ ሕማማትን ዘተኮረ ናይ ግንዛበ መዕበይ ኣስተምህሮ ተዋሂቡ እዩ።

ደም ልጋሰ

እዚ ስራሕ ኣብዚ ናይ ክረምታዊ መደብ ከምቑልፊ ተገይሩ ዝተወሰነ ኮይኑ እዚ ድማ ኣብ ምቕናስ ሞት ኣዴታትን ህፃናትን ዝለዓለ ግደ ኣለዎ። ነዚ ኣብ ግምት ብምእታው በቢዞብኡ ክንርኢ ከለና ዞባ ምዕራብ 0፣ ሰ/ምዕራብ 274 ፣ ማእኸላይ 192፣ ምብራቕ 298 ፣ ደቡብ 82፣ ደ/ምብራቕ 0፣ መቐለ 940 ድምር ዝኣኽሉ ዝለገሱ እንትኾኑ ዝሓሸ ኣፈፃፅማ ዘለወን ዞባታት ክንርኢ ከለና ዞባ መቐለ፣ ምብራቕ ሰሜን ምዕራብን እንትኾና ምዕራብን ደ/ምብራቕን ድማ ከም መደብ ተታሒዙ ዘይተፈፀመሉን ዞባታት እዩ።

III.ኣብ መደባት ትምህርቲ

ኣብ ናይ ትምህርቲ መደባት ናይ ትምህርቲ ሞያ ዘለዎም ተምሃሮ ዩኒቨርስቲ ብምምልማል በቢ ናይ ትምህርቲ ሞይኦም ክረምታዊ ሓገዝ እናሃቡ ፀኒሖም እዮም። ኣብዚ እቶም መማህራን ተመዲቦም በቢቤት ትምህርቲ ተረኺቦም ከምህሩ ዝተገበረ እኳ እንተሃለወ ነቲ ምምሃር ምስትምሃር ዝሕግዙ ናይ መምሃሪ መሳርሒታት ቤት ፅ/ት ትምህርቲ ምስ ምምዳብን እቲ ናይቲ ከባቢ ምምሕዳር እውን ዝመሃሩ ተምሃሮ ምስ ምክታት ዓብይ ምቁራፅ ዝነበረ እዩ።

ጐናጎኒ እቲ ናይ ምምሃር ምስትምሃር ስራሕቲ ዙርያ እቲ ግቢ ዝፈረሶም ኣብያተ ትምህርቲ እቲ ግቢ ብምሕፃር ብዙሕ ገንዘብን ጉልበትን እቲ ወሊደን ከድሕኑ ክኢሎም እዮም። ኣብ ናይ ትምህርቲ ተግባር ተመሂሮም ዝኸረሙ ተምሃሮ በቢዞብኡክንርኢ ከለና ዞባ ምዕራብ --- ሰ/ምዕራብ 3,231 ፣ ማእኸላይ 302,201 ፣ ምብራቕ 3,824 ፣ ደቡብ 3,505 ፣ ደ/ምብራቕ 645 ፣መቐለ 676 ጠቕላላ ድምር 314,082


ኣብ 2008 ዓ/ም ክረምታዊ ወፍሪ ሰናይ ተበግሶ ተምሃሮ ዩኒቨርሲቲን ከባቢ መንእሰይ

 

ተ.ቑ

 

ዞባ

በዝሒ ዝተመዝገቡ ኣባላት ማመት

ተባ

ኣን

ድምር

1

ምዕራብ

18239

1264

19503

2

ሰ/ምዕራብ

17306

187

17493

3

ማእኸላይ

16478

2413

18891

4

ምብራቕ

45000

3052

48052

5

ደቡብ

19768

1841

21609

6

ደ/ምብራቕ

20781

676

21457

7

መቐለ

1334

1290

2624

ድምር

138,906

10,723

149,629

 


Rate TYA's Progress

Rate TYA's Progress
 

Time

Who is online?

We have 1 guest online


share this site

Share on facebook

All rights Reserved Tigray youth Association!.
Designer and Developer: Haileselassie Tsegay

Website counter